賭博人生

買黃牛? 本來身無分文，銀包只剩400蚊，輸晒就算，唔打算去到賭場撳錢。有人問400蚊可以玩到幾耐，我可以答：一個通頂！話說去澳門過大海，可以搭船﹑搭金巴或者直通巴，本人首選搭直通巴，但係時間同地點關係，碼頭近我屋企（中環返工，屋企西環，過大海超方便），所以最後選擇船。 夜晚十點鐘去到碼頭，買票counter旁邊通常會有黃牛飛賣，technically又唔算係黃牛，佢地有辦法出平飛賺你差價（依度叫住黃牛先），通常平過你counter買，有時counter賣晒某個時段嘅飛都可以問佢地仲有無，不過要俾現金囉。個日我就係差啲俾左我手上緊餘嘅400蚊佢地。頭等黃牛250，官網就320，因為兩個朋友未到，本來應承買3張黃牛，佢地仲特登去counter撳張飛俾我，我就俾左我緊餘400佢，但手上唔夠錢，唔想去atm撳錢，最後都拎返400，行左個圈同佢講唔要，因為佢地賣緊飛俾人唔得閒理我，我就去左counter娜娜臨買飛，因為十點半尾班船就無得買，買緊時個黃牛走過黎細細問200蚊張頭等要唔要，我個刻好清醒要cash唔要頭等！下次可以用同樣招數買黃牛（但可能只能尾班船先得）。加上我係金沙會紅寶卡會員，買船飛有85折，埋單187一位。 金沙會 要成為金沙會會員好簡單，只要去佢地旗下賭場入啲counter申請就ok，填個人資料，影個相，佢會出張卡俾你，一開始金卡，升上紅寶卡都唔算好難，加上我獨特嘅賭場技巧，在此唔會公開，可能去開澳門賭錢嘅都會識。開張卡唔一定要去賭儲分，張卡有食野購物優惠，詳情去佢地個官網睇下。